خلال حدث “قادرون باختلاف” كان أول ظهور لدنيا سمير غانم بعد وفاة والديها إثر تأثرهما بتضاعفات فايروس كورونا. وظهورها جعلها تتصدر مواقع التواصل الاجتماعي وأصبحت من أكثر الأسماء بحثًا. وعبرت دنيا عن حزنها وافتقادها لوالديها سمير غانم ودلال عبدالعزيز وقالت “إتأثرت جدًا النهاردة إني لأول مرة أروح في يوم مهمة ليا من غير ما أسمعك يا مامي بتدعيلي أو ترقيني قبل ما أنزل أول بابي بيقول لي “ربنا معاكي يا حبيبة بابي”.
ويُعد هذا الظهور الأول لدنيا وقالت أنها ظهورها في هذا الحدث الذي أقيم بهدف دعم ذوي الهمم أنه إعلان عن عودتها إلى العالم. وشاركت دنيا تفاصيل الحدث وبعض الصور الذي تضمنت صور الرئيس المصري السيسي وعبرت قائلة “تشرفت النهاردة بالغناء أمام سعادة الرئيس عبدالفتاح السيسي في احتفالية قادرون باختلاف وسعدت وتشرفت بكلامه ليا جدًا وبنظراته اللي كلها أبوة” ومن ثم توجهت إلى الجمهور بخطابها وأضافت “أحب أشكر الجمهور العظيم اللي دايما بشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملايكة اللي كانو سبب في ثقتي بنفسي النهاردة بإحساسهم الصادق في تعبيرهم عن حبهم ليا. الحمدالله، وفرحتهم باليوم ده وإن في مهتم بيهم وبيفكر فيهم وفي احتياجاتهم”.
وتابعت قائلة ” وبشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت و أستاذ أشرف عبد الباقي سعيدة جدا إني ابتديت يومي بتشجيعهم و حرصهم انهم يطمنوا عليا قبل ما أطلع و كمان زملائي الأعزاء مصطفي شعبان و يوسف الشريف و المذيعين شريف مدكور و إيمان الحصري اللي مروا بظروف صعبة وعدوها بكل قوه وثبات بفضل ربنا و رحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم
النهارده و من أهلهم الأبطال.
بشكر كل القائمين علي الاحتفال د/أمل مبدا الأم التانية للقادرون
باختلاف
فخورة جدا بأخويا هشام جمال لإنه اشتغل و تعب من قلبه في إخراج الحفلة و الأغاني و اختيار الأصوات اللي دخلت قلوبنا كلنا و عن نفسي بشكره علي أغنيتي “بلادي اسلمي” كلمات الشاعر الموهوب محمد إبراهيم و ألحان العبقري المتنوع هشام جمال و توزيع الموزع الشاطر جدا مادي”.
واختتمت رسالتها بالترحم على والديها قائلة ” و في النهاية حبايبي الغاليين بابي و مامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي
ربنا معاكي يا حبيب بابي
يا رب أكون شرفتكم، بحبكم و وحشتوني أوي
ربنا يرحمكم يا أغلي حاجة في حياتي”.